س: تركيب كاميرات المراقبة سهل ولا لازم فني؟
ج: نحتاج فني لتركيب كاميرات المراقبة اذا كانت الكاميرات معها جهاز تسجيل لتمديد الكيابل من الكاميرات الى جهاز التسجيل ، بخصوص كاميرات الواي فاي تكون بدون جهاز التسجيل فتكون اسهل في التركيب و لكن تقدر برضه تستعين بفني لتركيبها
س: هل كاميرات المراقبة تشتغل بدون انترنت؟
ج: كاميرات المراقبة اللي يكون معاها رسيفر تسجيل تشتغل و تسجل بدون الحاجة للانترنت ، تستخدم النت فقط اذا حبيت تشوفها على جوالك. كاميرات الواي فاي تحتاج الى اتصال مباشر بالانترنت دائما سواء للتشغيل او التسجيل
س: الكاميرا تحتاج كهرباء 24 ساعة؟
ج: صحيح كل الكاميرات سواء الواي فاي او اللي تكون بجهاز تسجيل تحتاج للكهرباء ماعدا كاميرا الواي فاي اللي تكون بالبطارية او اللي تكون بالطاقة الشمسية
س: كيف أربط كاميرا المراقبة بالجوال؟
كاميرات المراقبة بالغالب كلها تشتغل على الجوال اذا اتصلت بالانترنت. كاميرات الواي فاي ترتبط بالانترنت لاسلكي مع الرواتر و كاميرات اللي يكون معها جهاز تسجيل تحتاج توصل جهاز التسجيل مع راوتر الانترنت بسلك
س: ماهو الفرق بين 2 ميجابكسل و 5 ميجابكسل و 8 ميجابكسل في كاميرات المراقبة ؟
ج: الميجابكسل هوا درجة وضوح الصورة في التصوير. 2 ميجابكسل حاليا تعتبر هي الأقل و هي اللي يرمز لها بكلمة فل اتش دي الدارجة في السوق و بخصوص 8 ميجابكسل هي اللي درجة وضوحها تكون فور كيه
س: هل كاميرات المراقبة تصور بالليل بوضوح؟
ج: كاميرات المراقبة كلها تصور بالليل لكن كل كاميرا تختلف عن الثانية بالمميزات اللي تساعد قوة التصوير الليلي. التقنية الحديثة الان وصلت الى التصوير الليلي الملون و أهم المميزات اللي تقيس درجة التصوير الليلي في كاميرات المراقبة
IR هذا الرمز يعني درجة قياس الاشعة تحت الحمراء وقوتها
س : ما هو مدى رؤية الكاميرات 60متر 40متر 20متر ؟ ( ماهو قياس المتر في كاميرات المراقبة ؟ )
مقياس 40 متر أو 60 متر في كاميرات المراقبة لا يعني مدى الرؤيا تصل الى 60 متر او 80 متر. هذا القياس هوا قياس رمز مدى التصوير الليلي
رمز مدى التصوير الليلي ( IR )
infrared
و هذا الاختصار مقياسه المتر و يشير الى موجات الاشعة تحت الحمراء فقط
IR distance.
س: هل كاميرات المراقبة تخرب من حرارة الشمس ؟
ج: كاميرات المراقبة الخارجية مصصمة انها تتحمل درجات حرارة توصل الى 60 درجة
س: لو انسرقت كاميرا المراقبة تروح التسجيلات؟
ج: كاميرات المراقبة اللي تسجل على جهاز التسجيل لو خربت او انكسرت او انسرقت مايروح التسجيل لان التسجيل موجود في الرسيفر . لكن كاميرات الواي فاي يكون التسجيل في ذاكرة ميموري كارد في نفس الكاميرات يعني التسجيل فيها يكون في نفس الكاميرا
س: هل كاميرا المراقبة تصدر إنذار لو فيه سرقة؟
ج: كاميرات المراقبة اللي تدعم ميزة صافرة الانذار صحيح موجودة و لكن الان مع التقنيات الحديثة صار كل الكاميرات تدعم حساس الحركة و ارسال التنبيهات وقت الحركة
هذا النوع من كاميرات المراقبة في متجرنا موجود و يدعم هاذي المميزات
IP66 - IP67
س: وش يعني هاذي الرموز في كاميرات المراقبة ؟
ج: IP66 = ضد المطر القوي والغبار والحرارة لين 60°. IP67 = تغطسها في الموية متر لمدة نص ساعة ولا يصير لها شي.
للخارج لازم IP66 على الأقل.
س: هل كاميرات المراقبة فيها مايك وسماعة؟
ج: كاميرات المراقبة تدعم التسجيل الصوتي و كذا الكاميرا يكون فيها مايك لكن لو الكاميرا فيها مايك و سماعة يعني الكاميرا تدعم ميزة التخاطب يعني تقدر من الجوال تتكلم و يسمعك اللي عند الكاميرا. بالغالب كل كاميرات الواي فاي تدعم ميزة التخاطب يعني فيها مايك و سماعة وبخصوص كاميرات المراقبة اللي برسيفر التسجيل الاغلب في الكاميرات مايك يعني تسجل الصوت فقط
س: هل كاميرات المراقبة تجيب لوحة السيارة ؟
ج: كاميرات المراقبة الواضحة جدا مثل وضوح 8 ميجابكسل و اكثر صحيح تقدر تساعد انها توضح لوحة السيارة لكن الاهم من الوضوح في كاميرات المراقبة هو العوامل مثل ارتفاع التركيب و زاوية الروؤية في التركيب بحيث تقدر توضح اللوحة. اذا العوامل ماتوفرت بشكل ممتاز بنسبة 95% ماتجيب لوحة السيارة أي بمعنى اذا السيارة عدت من امام الكاميرا و الاضاءة غير مناسبة او الزاوية غير مناسبة من الصعب جدا ان اللوحة تظهر. لاحظ ان كاميرات المراقبة الموجودة في مداخل و مخارج المراكز او البنوك المخصصة للوحة السيارة تكون راكبة على ارتفاع جدا بسيط و موجهة بشكل عامودي امام السيارة و اذا عدت السيارة تكون متحركة بشكل بطيئ . هذا الوضع للكاميرا من الصعب استخدامه للمنازل او المحلات
س: هل الزوم في كاميرات المراقبة مهم أو لا ؟
كاميرات المراقبة اللي تدعم الزوم مفيدة بشكل كبير جدا فقط وقت البث المباشر او وقت التوجيه والتقريب على مكان معين، الغرض الرئيسي من كاميرات المراقبة انك ترجع للتسجيل و تشوف وتراجع وش صار ، في هاذي الحالة الزوم مايفيدك لأن ماتقدر ترجع في التسجيل و تعمل تقريب. لذلك مو دايما ننصح بالكاميرات اللي يكون فيها عدسة الزوم ( التقريب و التبعيد ) لان الميزة هاذي ماتكون مفيدة وقت مشاهدة التسجيلات
س: كم يوم تسجل كاميرات المراقبة ؟
ج: مدة التسجيل في كاميرات المراقبة يعتمد على مساحة الذاكرة ، بخصوص كاميرات المراقبة اللي يكون معها رسيفر تسجيل مدة التسجيل تعتمد على الذاكرة اللي في الرسيفر و تكون الذاكرة منفصلة عن الرسيفر كقعطة اضافية تقدر تختار 1 تيرابايت او 2 تيرابايت او 4 أو 6 أو 10 تيرابايت. كل مازاد عدد الكاميرات يعني راح تزيد مساحة التخزين. الوضع الطبيعي وقت أكثر العملاء يختارو 2 تيرابايت أو 4 تيرابايت لعدد 5 أو 8 كاميرات و اذا زاد عدد الكاميرات يفضل إنك تزيد مساحة التخزين اذا حاب بحيث تحصل على عدد ايام زيادة في التسجيل.